Vischnaunca sumvitg - constituziun communala sboz 1 (28-10-1997)

Vischnaunca da Sumvitg Ordinaziun sepultura e santeri Vischnaunca da Sumvitg Ordinaziun sepultura e santeri Sebasond sil reglament sepultura e santeri dalla vischnaunca da Sumvitg relai la supra-stonza communala la suandonta ordinaziun. Art. 1 Dretg surordinau
Las prescripziuns dil reglament sepultura e santeri ston vegnir risguardadas.
Art. 2 Pleivs
Las pleivs da Sumvitg/Cumpadials, Rabius e Surrein san relaschar atgnas disposiziuns
executivas che reglan l’organisaziun, las cumpetenzas ed il pensums dils funcziunaris che
tangheschan igl intschess da lur santeri. Determinaziuns digl uorden executiv dalla pleiv
che cunterfan al reglament communal ein buca valeivlas.
Art. 3 Incumbensas spezialas dallas pleivs
1 Mintga pleiv ei responsabla pil menaschi, pil necessari uorden, per la survigilonza da se-
pultura e santeri sco era pil manteniment ordinari dil santeri tenor art. 20 dil reglament.
2 Las pleivs elegian il persunal per exequir las lavurs tenor alinea 1 e pigl ulteriur survetsch
da santeri. Ellas fixeschan ils pensums dil persunal enteifer lur disposiziuns executivas.
3 L’indemnisaziun dil persunal pil survetsch santeri ei caussa dallas pleivs.
Art. 4 Register da fossas
1 Sin fundament digl art. 11 reglament sepultura e santeri incarichescha la suprastonza
communala las pleivs cun la controlla ed actualisaziun dil register da fossas.
2 Quel secumpona d’in plan da santeri cun l’occupaziun dallas fossas e sto cuntener el
minimum:
a) num e prenum dil defunct
b) onn da naschientscha e da mort dil defunct
c) localisaziun dalla fossa
3 La suprastonza communala decida davart controllas periodicas dil register da fossas ed
informescha a dretg temps las pleivs.
Art. 5 Formaziun dallas fossas
1 La formaziun dallas fossas per mintga santeri sedrezza tenor art 13 dil reglament sepul-
tura e santeri ed ei surschada allas pleivs. Ellas ein responsablas da tener bein a quen il
plaz disponibel.
2 Tier lubientschas spezialas da satrar concedidas dalla suprastonza communala conform
agl art. 8 ein las pleivs autorisadas da decider schebein la bara sto vegnir cremada ni buc.
3 En tals cass duei vegnir risguardau tenor pusseivladad il giavisch dil pertuccau resp. dal-
la parentella.
Vischnaunca da Sumvitg Ordinaziun sepultura e santeri Art. 6 Rumida dallas fossas suenter scadenza dil temps da ruaus
1 Las pleivs ein autorisadas da decider en atgna cumpetenza sur dalla rumida da singulas
fossas u d’ina part dil santeri. Il necessari temps da ruaus da 20 onns ei da risguardar.
2 Per revocaziuns extraordinarias da fossas sa la suprastonza communala disponer tenor
art. 17 dil reglament sepultura e santeri.
Art. 7 Indemnisaziun per cavar e cuvierer la fossa
1 Las pleivs organiseschan sezzas il cavar e cuvierer la fossa el rom da lur incumbensas
spezialas tenor questa ordinaziun.
2 Anflan las pleivs denton negin persunal per quest’incarica, procura la vischnaunca
l’execuziun dallas lavurs.
3 Ils cuosts per quella lavur vegnan adossai directamein als als vegnentsuenter dil defunct.
4 L’indemnisaziun per cavar e cuvierer las fossas vegn fixada dalla suprastonza communa-
la e communicada allas pleivs tier midadas ni adattaziuns. Ellas ein obligadas da suandar
quella directiva.
Art. 8 Manteniment dil santeri1 Il manteniment ordinari tenor art. 20 al. 3 dil reglament sepultura e santeri cumpetta allas
pleivs. Mintga pleiv vegn indemnisada persuenter cun ina pauschala annuala da frs.
2'000.--. Sco manteniment ordinari valan lavurs che serepetan periodicamein (sco p.ex.
tener uorden, segar pustgets, dismessa da neiv pil diever ordinari dil santeri sco era per
sepulturas, dismessa da curdems, chisar vias etc.) ed ein necessarias pil diever e maletg
dil santeri.
2 Sco manteniment extrodinari tenor art. 20 al. 4 dil reglament sepultura e santeri valan
principalmein la construcziun ed il manteniment da mirs, seivs entuorn il santeri, furniziun
da material per ulivar las fossas, sco era la rumida da neiv en cass da grondas nevadas,
cun consentiment dil cau da ressort santeri.
3 Manteniment extrodinari pigl onn proxim ei da communicar alla suprastonza communala
ni al cau da ressort santeri sil pli tard el settember digl onn current, sinaquei che
l’executiva communala sappi risguardar quella fatschenta el rom dil preventiv.
Art. 9 Persuna da contact
Sco persuna da contact denter las pleivs e la vischnaunca funcziuneschan il president sco
representant dalla pleiv ed il cau dil ressort santeri sco representant dalla suprastonza
communala.
1 Revisiun parziala entras suprastonza communala dils 23-03-2010, prot. 06/2010 Vischnaunca da Sumvitg Ordinaziun sepultura e santeri Art. 10 Approbaziun
1 Questa ordinaziun ei vegnida approbada dalla suprastonza communala ella seduta dils
22-01-2001 e passa en vigur cun l’approbaziun dil reglament da sepultura e santeri entras
la radunonza communala dils 05-03-2001.
2 L’emprema revisiun da quest'ordinaziun ei vegnida approbada dalla suprastonza
communala ella seduta dils 23 da mars 2010 ed ei entrada immediat en vigur.
Il president communal
Il canzlist communal

Source: http://www.sumvitg.ch/files/BXMediaPlusDocument784file.pdf